మాకు ఆయనే  కోచ్‌గా  కావాలి .. బీసీసీఐకి  హర్మన్‌ప్రీత్‌ లేఖ !!
Spread the love

ప్రముఖ సీనియర్ క్రికెటర్ మిథాలీ రాజ్, కోచ్ రమేశ్ పొవార్ వివాదం మన అందరకి తెలిసిందే.అయితే టీ20 వరల్డ్ కప్ సెమీస్ మ్యాచ్‌లో మిథాలీని పక్కనబెట్టడంతో.. ఆమె బీసీసీఐకి లేఖ రాసింది. కోచ్ తనను మానసికంగా వేధించారని, తన దేశభక్తిని శంకించారని మిథాలీ వాపోయింది. దీంతో పొవార్‌ వ్యవహారశైలిపై విమర్శలొచ్చాయి. గత శుక్రవారంతో తాత్కాలిక కోచ్‌గా అతడి కాంట్రాక్ట్ ముగిసింది. బీసీసీఐ కొత్త కోచ్ కోసం దరఖాస్తులు ఆహ్వానించింది. మిథాలీ ఎపిసోడ్‌తో పొవార్ మళ్లీ కోచ్ కావడం కష్టమని భావించారు. అయితే రమేశ్ పొవార్‌ను కోచ్‌గా కొనసాగించాలని కోరుతూ టీ20 కెప్టెన్‌ హర్మన్‌ప్రీత్‌, వైస్‌కెప్టెన్‌ స్మృతి మంధాన బీసీసీఐకి లేఖ రాశారు. 15 నెలల్లో న్యూజిలాండ్‌లో టీ20 వరల్డ్ కప్ ఉన్న నేపథ్యంలో పొవార్‌ కోచ్ అయితే బాగుంటుందని వారు అభిప్రాయపడ్డారు. ఈ విషయాన్ని సీఓఏ ఛైర్మన్‌ వినోద్‌ రాయ్‌ ధ్రువీకరించడం జరిగింది.

వరల్డ్ కప్ సెమీఫైనల్లో ఓడిపోవడం తీవ్ర నిరాశకు గురి చేసింది. వివాదాలతో జట్టు ప్రతిష్ట మసకబారడం బాధాకరం. ఇంకో నెల రోజుల్లో న్యూజిలాండ్‌ పర్యటన మొదలవుతుంది. వరల్డ్ కప్ కూడా 15 నెలల్లోనే ఉంది. ఇలాంటి పరిస్థితుల్లో కొత్త కోచ్‌కు సమయం పడుతుంది. పొవార్ జట్టును ఎంతగానో మార్చాడు. కాబట్టి ఆయన్నే కోచ్‌గా కొనసాగించాలి. ఆయన మాలో స్ఫూర్తి నింపి, విజయ కాంక్షను పెంచాడు. మహిళా క్రికెట్ ముఖ చిత్రాన్ని మార్చిన పొవార్ వల్ల వరుస విజయాలు సాధించాం’ అని హర్మన్, స్మృతి బీసీసీఐకి తెలిపారు. మిథాలీని తప్పించడానికి పొవార్‌ మాత్రమే కారణం కాదని వారు స్పష్టం చేశారు. కాగా.. ఏక్తా బిష్త్, మాన్సి జోషిలు మిథాలీకి మద్దతునిస్తున్న తెలుస్తోంది. కోచ్‌గా రమేశ్ పొవార్‌ను కొనసాగించడం పట్ల వీరు విముఖత వ్యక్తం చేస్తున్నట్టు సమాచారం నడుస్తుంది మరి చూద్దాం ఏమౌతుందో……